KABARPASUNDAN.ID – Rekep jempling bari eyeub rahayat minuhan rohangan paseban Desa Cijeruk Kacamatan Pamulihan Kabupaten Sumedang, Rebo (30/11/22).
Hal ieu teu aya sanes ku ayana rutinan sasihan pangaosan nu di ayakeun Pamarentah Desa Cijeruk sasasih sakali dina dinteun rebo.
Dina pangaosan rutinan ieu dihadiran ku para wanoja ibu-ibuna tinu anom dugika sepuh nyaeta Majelis Al-Hidayah warga RW 10 nu nyakup Dusun Sukahurip sareng Dusun Manangga, ngiring oge ngalu’uhan dina acara eta Ketua RW 10 Cahyana sareng Kadus Tarmana, nu mana dina pangaosan eta di paparin tausiah ku Ustadz Cucu nyaeta Tokoh Agama ti lembur Sukahurip
Kadus Tarmana ka KABARPASUNDAN.ID nyaritakeun, yen rutinan ieu diayakeun pikeun wadah silaturahmi dibarengan ku nyiar elmu.
“Elmu kenging, silaturahmi teu weuleuh ka cipta ku ayana amprok jonghok ieu”, ceuk Tarmana saatosna rengse acara.
Tarmana ngajelasken, yen Pamarentah Desa Cijeruk tos lami pisan ngayakeun acara rutinan ieu, nu mana kalintang manfaat kangge balarea, sok komo pan acarana di gulir bageanna ti tiap tiap RW.
Lian ti kitu Pamarentah Desa Cijeruk muka layanan komunikasi ngenaan keluh kesah warga sareng ayana saran ku perkembangan daerah kiwari.
“Janteun dibiasakeun saatosna acara pangaosan,dibuka curhat warga, najan waktosna singket namung janteun ancoan oge kangge pamarentahan desa tina asrpirasi eta”. Teges Tarmana bari rengkuh kacida. (Ki Atrok/Oki Ferdian)***
